பள்ளிவாசல்கள் மீதான தாக்குதல்களைக் கண்டித்து முழக்கம் – டெல்லியில் பள்ளிவாசல் இடிப்பதைத் தடுக்கவும், தலைமைத் தேர்தல் ஆணையர் மீது நடவடிக்கை எடுக்கவும் வலியுறுத்தல்!**
மேட்டுப்பாளையம்: மேட்டுப்பாளையம் ஐக்கிய ஜமாஅத் பேரவை மற்றும் அனைத்து இஸ்லாமிய இயக்கங்கள், அரசியல் கட்சிகளின் கூட்டமைப்பு சார்பில் மேட்டுப்பாளையம் பேருந்து நிலையம் முன்பாக மாபெரும் கண்டன ஆர்ப்பாட்டம் நடைபெற்றது.
தமிழகத்தில் பள்ளிவாசல்கள் தாக்கப்படுவதற்கு எதிர்ப்பு தெரிவித்தும், டெல்லியில் பள்ளிவாசல் இடிக்கப்படுவதைத் தடுக்க வலியுறுத்தியும், தலைமைத் தேர்தல் ஆணையர் ஞானேஷ்குமார் மீது உரிய நடவடிக்கை எடுக்கக் கோரியும் இந்த ஆர்ப்பாட்டம் நடைபெற்றது.
ஜும்ஆ தொழுகையைத் தொடர்ந்து நடைபெற்ற ஆர்ப்பாட்டத்திற்கு ஐக்கிய ஜமாஅத் பேரவைத் தலைவர் ஏ.ஜே. முகமது ஷெரீப் தலைமை தாங்கினார். காட்டூர் தாருஸ்ஸலாம் பள்ளிவாசல் இமாம் மௌலவி எஸ். அபுதாஹிர் பாகவி இறைவணக்கத்துடன் நிகழ்ச்சியைத் தொடங்கி வைத்தார். பேரவைச் செயலாளர் எஸ். அக்பர் அலி வரவேற்புரை ஆற்றினார்.
தமிழ்நாடு வக்ஃப் வாரிய முன்னாள் தலைவரும், ஐ.எம்.எம்.கே. மாநிலத் தலைவருமான எஸ். ஹைதர் அலி, ஜாமியா பள்ளிவாசல் மௌலானா முஹம்மது முஹைதீன் சிராஜி ஆகியோர் கண்டன உரையாற்றினர்.
இதில் பல்வேறு பள்ளிவாசல்களின் நிர்வாகிகள், ஜமாஅத் நிர்வாகிகள், இஸ்லாமிய இயக்கங்கள் மற்றும் அரசியல் கட்சிகளின் நிர்வாகிகள் பங்கேற்று கண்டன முழக்கங்களை எழுப்பினர்.
வட்டார ஜமாஅத்துல் உலமா சபைச் செயலாளர் மௌலவி சிஹாபுதீன் ஜமாலி துஆ ஓதினார். அனைத்து இஸ்லாமிய இயக்கங்களின் கூட்டமைப்பு ஒருங்கிணைப்பாளர் வி.எம்.டி. ஜாபர் நிகழ்ச்சியைத் தொகுத்து வழங்கினார். துணை ஒருங்கிணைப்பாளர் அஷ்ரப் அலி நன்றியுரை ஆற்றினார்.
**”இறை இல்லங்களைப் பாதுகாப்போம்; ஜனநாயகம் காப்போம்”** என்ற முழக்கத்துடன் நடைபெற்ற இந்தக் கண்டன ஆர்ப்பாட்டத்தில் மேட்டுப்பாளையத்தைச் சேர்ந்த அனைத்து பள்ளிவாசல் நிர்வாகிகள், ஜமாஅத்தினர் மற்றும் பல்வேறு இஸ்லாமிய அமைப்புகளின் நிர்வாகிகள் திரளாகப் பங்கேற்றனர்.
You must be logged in to post a comment.