தென்காசி ஜேபி கல்லூரியில் நடைபெற்ற ஸ்பார்க்வியா” (Sparkvia)–2026 மாவட்ட அளவிலான போட்டியில் இலஞ்சி பிஎட் கல்லூரி ஒட்டுமொத்த சாம்பியன் பட்டத்தை வென்றது.
தென்காசி மாவட்டம் ஜேபி கலை மற்றும் அறிவியல் கல்லூரியின் கணிதவியல், இயற்பியல் வேதியியல் மற்றும் மின்னணுவியல் & தகவல் தொடர்பியல் துறை சார்பில் ஸ்பார்க்வியா” (Sparkvia)–2026 மாவட்ட அளவிலான போட்டிகள் தீப்பொறி, பார்வை, புதுமை என்ற தலைப்பில் நடைபெற்றது. இதில் தொழில்நுட்பப் போட்டிகளாக முன்மாதிரி உருவாக்கம் சமூகப் பிரச்சினைகள் குறித்தும், ஏஐ ஆய்வுக்கட்டுரை வழங்குதல், சுவரொட்டி வடிவமைப்பு – 2050-ல் இளைஞர்கள் என்ற தலைப்பிலும், எதிர்காலக் காட்சிப்படுத்தல் உள்ளிட்ட 9 போட்டிகள் நடந்தன. இதில் இலஞ்சி டிடிடிஏ டிஎஸ் டேனியல் ராஜம்மாள் கல்வியியல் கல்லூரி மாணவ ஆசிரியர்கள் கலந்து கொண்டு 3 முதல் பரிசு மற்றும் 3 இரண்டாம் பரிசுகள் பெற்று ஒட்டுமொத்த சாம்பியன் பட்டத்தை வென்றது.
வெற்றி பெற்ற மாணவ ஆசிரியர்களை போட்டி ஒருங்கிணைப்பாளர்கள் மற்றும் ஜேபி கல்லூரி நிர்வாகிகள் தாளாளர் ஆரோக்கிய மேரி, நிர்வாகி ஜுடு லிசா, முதல்வர்: டாக்டர் சிவனேசன், கல்விப் புல முதன்மையாளர் (பொறுப்பு): டாக்டர் பிரேமா, உள்தர உறுதிப்படுத்தல் குழு டாக்டர் சுஜாதா, கணிதவியல் துறைத் தலைவர் பொன்ராணி இயற்பியல் துறைத் தலைவர் (பொ) முத்துப்பிரியா வேதியியல் துறைத் தலைவர் டாக்டர் சுதா மின்னணுவியல் & தகவல் தொடர்பியல் துறைத் தலைவர் வனிதா மற்றும் இலஞ்சி டிடிடிஏ டிஎஸ் டேனியல் ராஜம்மாள் பிஎட் கல்லூரி சேர்மன் பேராயர் ஏஆர்ஜிஎஸ்டி பர்னபாஸ், தாளாளர் ராஜகுமார், முதல்வர் பொ ஷீலா நவரோஸ் ஒருங்கிணைப்பு அலுவலர் நூலகர் ஏஞ்சலின் மற்றும் பேராசிரியர்கள் பாராட்டினர்.
செய்தியாளர்-அபுபக்கர்சித்திக்
You must be logged in to post a comment.