கர்ரெட் மார்கன் (Garrett Augustus Morgan) மார்ச் 4, 1877ல் அமெரிக்காவின் கென்டக்கி மாநிலத்தில் பிறந்தார். இவரின் தந்தை ஆப்பிரிக்க வம்சாவளியைச் சேர்ந்த கொத்தடிமையாக இருந்தவர். பெரும்பாலான ஆப்பிரிக்க அமெரிக்கர்களைப்போலவே மார்கனும் கல்வியை இடையில் கைவிட்டவரே. 14 வயதில் ஒகையோ மாநிலத்தின் சின்சினாட்டிக்குச் சென்றார், கூலிவேலை செய்தார். அந்த வருவாயில் ஒரு ஆசிரியரிடம் தனிப்பயிற்சியில் கல்விகற்றார். கிளீவ்லேண்ட் நகரில் 1895ல் துணி உற்பத்தியாளரிடம் தையல் இயந்திரங்களைப் பழுது பார்க்கும் பணியில் ஈடுபட்டார். இயந்திரங்களைப் பிரித்து, பொருத்தி மேம்படுத்தினார். இதனால் இயந்திரங்களின் வடிவமைப்பு, அவை இயங்கும் முறை போன்றவற்றை நன்கு கற்றுத்தேர்ந்தார்.
தையல் இயந்திரத்தின் வாரைக் கட்டுவதற்கான வழியைக் கண்டுபிடித்தார். இதன்பிறகு இவர் பிரபலமானார். 1907ல் தையல் இயந்திரம் மற்றும் காலணி பழுதுபார்க்கும் கடையைத் தொடங்கினார். படிப்படியாக பல்வேறு தொழில்களில் ஈடுபட்டார். 1909ல் தன் மனைவியுடன் சேர்ந்து கட் ரேட் லேடிஸ் கிளாத்திங் ஸ்டோர் என்ற நிறுவனத்தைத் தொடங்கினார். 1914ல் புகை,நச்சுவாயுக்களிடமிருந்து காக்கின்ற பாதுகாப்புக் கவசத்தைக் கண்டுபிடித்து காப்புரிமை பெற்றார். சுருள் கூந்தலை நேராக்கும் கிரீம், சீப்பு, கூந்தல்சாயம் போன்ற அழகுசாதனப் பொருட்களைக் கண்டுபிடித்தார். எளிய திறன்மிக்க போக்குவரத்துக் கட்டுப்பாட்டுக் கருவியைக் கண்டுபிடித்து இதற்கு காப்புரிமைபெற்றார்.
அமெரிக்க தயாரிக்கப்பட்ட முதல் ஆட்டோமொபைல்கள் இருபதாம் நூற்றாண்டின் தொடக்கத்திற்கு முன்பே நுகர்வோருக்கு அறிமுகப்படுத்தப்பட்டன. மேலும் பாதசாரிகள், மிதிவண்டிகள், விலங்குகளால் வரையப்பட்ட வேகன்கள் மற்றும் மோட்டார் வாகனங்கள் அனைத்தும் ஒரே சாலைகளைப் பகிர்ந்து கொள்ள வேண்டியிருந்தது. போக்குவரத்து விபத்துக்களின் வளர்ந்து வரும் சிக்கலைச் சமாளிக்க, போக்குவரத்து சமிக்ஞை சாதனங்களின் பல பதிப்புகள் உருவாக்கத் தொடங்கின. இது 1913ல் தொடங்கி மோர்கன் ஒரு சந்திப்பில் ஒரு கடுமையான விபத்துக்குள்ளானார். மேலும் 1922 ஆம் ஆண்டில் மூன்றாவது “எச்சரிக்கை” நிலையைக் கொண்ட போக்குவரத்து கட்டுப்பாட்டு சாதனத்திற்கான காப்புரிமையை அவர் தாக்கல் செய்தார். காப்புரிமை 1923ல் வழங்கப்பட்டது. இது ஒரு எச்சரிக்கையுடன் கூடிய முதல் அமைப்பு அல்ல என்றாலும், 1920ல் வில்லியம் பாட்ஸால் மூன்று ஒளி அமைப்பு கண்டுபிடிக்கப்பட்டது. முந்தைய அமைப்புகள் கேட்கக்கூடிய எச்சரிக்கைகளைக் கொண்டிருந்தன.
ஆப்பிரக்க அமெரிக்க மக்களின் சமூக மேம்பாட்டுக்காக பெரு முயற்சி எடுத்து 1908ல் கிளீவ்லேண்ட் இசோசியேசன் பார் கலர்டு மென் என்ற அமைப்பைத் தொடங்கச் செய்தார். கருப்பின மக்களுக்கு பத்திரிக்கை, மன்றம், பள்ளி, கல்லூரிகள் துவங்க பெரு முயற்சிகள் மேற்கொண்டார். பள்ளிப் படிப்பையே முறையாகத் தொடராத இவர், தன் உழைப்பாலும், திறமையாலும் பல கருவிகளைக் கண்டறிந்து சாதனைகளைப் புரிந்தார். கிரீவ்லேண்டில் மோட்டார் வாகனம் வைத்திருந்த முதல் ஆப்ரிக்க அமெரிக்கர் இவர்தான். 100 கிரேட்டஸ்ட் ஆப்ரிகன் அமெரிக்கன்ஸ் என்ற நூலில் இவரது பெயர் இடம்பெற்றுள்ளது.
புகை,நச்சுவாயுக்களிடமிருந்து காக்கின்ற பாதுகாப்புக் கவசத்தைக் கண்டுபிடித்த கர்ரெட் மார்கன் ஜுலை 27, 1963ல் தனது 86வது அகவையில் அமெரிக்காவில் இவ்வுலகை விட்டு பிரிந்தார். ஆகஸ்ட் 1963ல் இல்லினாய்ஸின் சிகாகோவில் நடந்த விடுதலை நூற்றாண்டு விழாவில் மோர்கன் தேசிய அளவில் அங்கீகரிக்கப்பட்டார். ஓஹியோவின் கிளீவ்லேண்டில், காரெட் ஏ. மோர்கன் கிளீவ்லேண்ட் ஸ்கூல் ஆஃப் சயின்ஸ் மற்றும் காரெட் ஏ. மோர்கன் நீர் சுத்திகரிப்பு நிலையம் ஆகியவை அவரது நினைவாக பெயரிடப்பட்டுள்ளன. சிகாகோவில் ஒரு தொடக்கப் பள்ளியும் அவருக்குப் பெயரிடப்பட்டது. மோல்ஃபி கெட்டே அசாண்டே எழுதிய 2002 ஆம் ஆண்டின் 100 சிறந்த ஆப்பிரிக்க அமெரிக்கர்கள் புத்தகத்தில் மோர்கன் சேர்க்கப்பட்டார். Source By: Wikipedia தகவல்: இரமேஷ், இயற்பியல் உதவி பேராசிரியர், நேரு நினைவு கல்லூரி, புத்தனாம்பட்டி
You must be logged in to post a comment.