ராமேஸ்வரம் கடலில் தத்தளித்த மீனவர்களை மீட்ட சக மீனவர்களுக்கு ராமநாதபுரம் ஆட்சியர் பாராட்டு

இராமேஸ்வரத்தில் இருந்து அலெக்ஸ் என்பவரது விசைப்படகில் அலெக்ஸ் பாண்டியன், நாகுரான், கோபி,குமார் ஆகியோர் நவ.25 ல் மீன் பிடிக்கச் சென்றனர்.இவர்கள் சென்ற படகு எதிர்பாரா விதமாக கவிழ்ந்து 4 பேரும் கடலில் தத்தளித்தனர். வயர்லஸ் கருவி மூலம் சற்று தொலைவில் மீன்பிடியில் ஈடுபட்டிருந்த சக மீனவர்களுக்கு தகவல் தெரிவித்தனர். இதனையடுத்தஅந்த 4 பேரையும் பத்திரமாக மீட்டசக மீனவர்கள் அருள் வெனிஷ், கென்னடி, செல்வம், செல்வராஜ் ஆகியோரின் வீர செயலை மாவட்ட ஆட்சியர் வீரராகவ ராவ் பாராட்டி கேடயம் வழங்கினார்.மீன்வளத்துறை துணை இயக்குநர் பிரபாவதி, உதவி இயக்குநர் திருநாவுக்கரசு, வட்டாட்சியர் அப்துல் ஜபார் உள்ளிட்டோர் பங்கேற்றனர்.