ரஷ்யாவில் பயங்கரம்.. மருத்துவ கல்லூரி விடுதியில் கத்திக்குத்து தாக்குதல்! 4 இந்திய மாணவர்கள் காயம்

ரஷ்யாவின் உஃபா நகரில் உள்ள ஒரு மருத்துவ கல்லூரி விடுதியில் கத்திக்குத்து தாக்குதல் நடந்துள்ளது. இந்த சம்பவத்தில் 4 இந்திய மாணவர்கள் உட்பட பலர் காயமடைந்துள்ளனர். காயமடைந்த மருத்துவ மாணவர்கள் மருத்துவமனையில் அனுமதிக்கப்பட்டுள்ளனர். இந்திய தூதரகம் சம்பவத்தை கவனித்து, காயமடைந்த மாணவர்களின் நிலையை மதிப்பீடு செய்ய அதிகாரிகளை அனுப்பியுள்ளது. இந்த தாக்குதல் குறித்து மேலும் தகவல்கள் வெளியாகவில்லை. சம்பவம் தொடர்பான விசாரணை நடைபெற்று வருகிறது. மாணவர்களின் பாதுகாப்பு குறித்து இந்திய அரசு கவனம் செலுத்தியுள்ளது.