ஜன.1 முதல் அமலாகும் 10 அதிரடி மாற்றங்கள்??

1. 8-வது ஊதியக் குழு அமலாக்கம்

அரசு ஊழியர்களுக்கு மிகப்பெரிய செய்தியாக, 8-வது ஊதியக் குழு ஜனவரி 1, 2026 முதல் செயல்படுத்தப்பட வாய்ப்புள்ளது. இதன் மூலம் சம்பளம் மற்றும் ஓய்வூதியத்தில் 20% முதல் 35% வரை உயர்வு இருக்கலாம் என எதிர்பார்க்கப்படுகிறது. ஃபிட்மென்ட் காரணி (Fitment Factor) 2.4 முதல் 3.0 வரை நிர்ணயிக்கப்படலாம்.

2. வங்கி வட்டி விகிதங்கள், இ.எம்.ஐ குறைப்பு

2025-ல் ரிசர்வ் வங்கி ரெப்போ விகிதத்தை 5.25% ஆகக் குறைத்ததைத் தொடர்ந்து, 2026 தொடக்கத்தில் வீட்டுக் கடன் மற்றும் தனிநபர் கடன்களுக்கான EMI குறைய வாய்ப்புள்ளது. அதே சமயம், நிலையான வைப்பு நிதி (FD) வட்டி விகிதங்களிலும் மாற்றங்கள் இருக்கும்.

3. ரேஷன் கார்டு e-KYC கட்டாயம்

ரேஷன் கார்டு வைத்திருப்பவர்கள் டிசம்பர் 31-க்குள் e-KYC நடைமுறையை முடிக்க வேண்டும். அவ்வாறு செய்யத் தவறினால், ஜனவரி முதல் இலவச ரேஷன் பொருட்களைப் பெறுவதில் சிக்கல் ஏற்படும்.

4. பான் – ஆதார் இணைப்பு

வருமான வரித்துறையின் விதிப்படி, டிசம்பர் 31-க்குள் பான் கார்டுடன் ஆதார் எண்ணை இணைப்பது அவசியம். இணைக்கப்படாத பான் கார்டுகள் முடக்கப்படலாம், இது நிதி பரிவர்த்தனைகளைப் பாதிக்கும்.

5. எரிவாயு (CNG/PNG) விலை குறைப்பு

ஒருங்கிணைந்த கட்டண முறையில் மாற்றங்கள் செய்யப்படுவதால், ஜனவரி முதல் CNG மற்றும் PNG விலைகள் குறையக்கூடும். இது வாகன ஓட்டிகளுக்கும், இல்லத்தரசிகளுக்கும் நிம்மதியைத் தரும்.

6. வாராந்திர கிரெடிட் ஸ்கோர் அப்டேட்

இனி உங்க கிரெடிட் ஸ்கோர் (Credit Score) விவரங்கள் 15 நாட்களுக்கு ஒருமுறை என்பதற்குப் பதிலாக, வாரம் ஒருமுறை புதுப்பிக்கப்படும். இதன் மூலம் கடனைச் சரியாகச் செலுத்துபவர்கள் விரைவாக நல்ல ஸ்கோரைப் பெற முடியும்.

7. யு.பி.ஐ மற்றும் டிஜிட்டல் பாதுகாப்பு

ஆன்லைன் மோசடிகளைத் தடுக்க யு.பி.ஐ, சிம் கார்டு (SIM) சரிபார்ப்பு விதிகள் கடுமையாக்கப்படுகின்றன. டிஜிட்டல் அடையாளங்களை உறுதிப்படுத்துவதில் கூடுதல் கட்டுப்பாடுகள் கொண்டுவரப்படும்.

8. சமூக ஊடகங்களில் வயதுக் கட்டுப்பாடு

16 வயதுக்குட்பட்ட குழந்தைகள் சமூக ஊடகங்களைப் பயன்படுத்துவதில் புதிய கட்டுப்பாடுகள் வரவுள்ளன. பெற்றோர் கண்காணிப்பு (Parental Control) மற்றும் வயது சரிபார்ப்பு முறை கட்டாயமாக்கப்படலாம்.

9. பழைய வாகனங்களுக்குக் கட்டுப்பாடு

மாசுபாட்டைக் குறைக்க, பழைய பெட்ரோல் மற்றும் டீசல் வாகனங்களுக்கு முக்கிய நகரங்களில் கூடுதல் கட்டுப்பாடுகள் விதிக்கப்படவுள்ளன. குறிப்பாக இ-காமர்ஸ் மற்றும் டெலிவரி நிறுவனங்கள் புதிய வாகனங்களைப் பயன்படுத்துவது தொடர்பான விதிகள் மாறக்கூடும்.

10. பயிர் காப்பீட்டுத் திட்டம் (PMFBY)

விவசாயிகள் தங்கள் பயிர்களைக் காப்பீடு செய்ய டிசம்பர் 31 கடைசித் தேதியாகும். இயற்கைச் சீற்றங்களால் ஏற்படும் பாதிப்புகளுக்கு இழப்பீடு பெற இந்தத் தேதிக்குள் விண்ணப்பிப்பது அவசியம்.